Nowe rejki a spěwy z pohibami

Zhromadnje z Křesćansko-socialnym kubłanskim skutkom Sakska z. t. (CSB) je Rěčny centrum WITAJ (RCW) na spěwne dalekubłanje z nazhonitej kubłarku Mariju Rabec-Šołćinej přeprosył. Wona je w běhu swojeho powołanskeho žiwjenja tójšto serbskich dźěćacych spěwow skomponowała a teksty spisała.
Z tutych je wuběr na temu „Rejki a spěwy z pohibami“ srjedu, 12. junija 2024 w rumnosćach horta Dwurěčneho dźěćaceho přebywanišća Pančicy-Kukow z kubłarkami nazwučowała.
Spočatnje witaše projektowa wobdźěłarka Weronika Butendeichowa (RCW) kubłarki na jara derje wopytane zarjadowanje. Dalekubłanje bě do dweju dźělow rozrjadowane. W prěnim dźělu su so spěwy z přewodom gitary nazwučowali. Po krótkej přestawce podachu so wšitcy zhromadnje na zahrodu, hdźež su so kubłarki wotměnjejo w spěwanju a rejowanju wuspytali. Při tym jich cajon a akordeon přewodźeše.
Referentka za serbske kubłanske naležnosće Bernadet Matcyna (CSB) dźakowaše so na kóncu dalekubłanja pola knjeni Šołćineje za jeje hudźbny angažement na dobro dźěći a kubłarkow. Dohromady je na zarjadowanje 26 kubłarkow z 13 pěstowarnjow z cyłeje Hornjeje Łužicy přišło.

Neue Tänze und Lieder mit Bewegungen

Gemeinsam mit dem Christlich-Sozialen Bildungswerk Sachsen e. V. (CSB) lud das WITAJ-Sprachzentrum (RCW) zu einer gesanglichen Weiterbildung mit Maria Rabec-Šołćin, einer erfahrenen Erzieherin, ein. Sie komponierte bereits viele sorbische Kinderlieder und schrieb die Texte.
Von diesen studierte sie eine Auswahl zum Thema „Tänze und Lieder mit Bewegungen“ am Mittwoch, dem 12. Juni 2024 in den Räumen des Hortes der zweisprachigen CSB-Kindertagesstätte Panschwitz-Kuckau mit Erzieherinnen ein.
Projektbearbeiterin Veronika Butendeich (RCW) begrüßte die Erzieherinnen zu der sehr gut besuchten Veranstaltung. Die Weiterbildung war in zwei Teile gegliedert. Im ersten Teil wurden Lieder mit Gitarrenbegleitung geprobt. Nach einer kurzen Pause begaben sich alle gemeinsam in den Garten, wo sich die Erzieherinnen abwechselnd im Singen und Tanzen ausprobierten. Dabei wurden sie von Cajon und Akkordeon begleitet.
Bernadet Matcyna, Referentin für sorbische Bildungsangelegenheiten des Kita-Trägers CSB, dankte am Ende der Weiterbildung Maria Scholze für ihr musikalisches Engagement zugunsten der Kinder und Erzieherinnen.
Insgesamt kamen zu dieser Veranstaltung 26 Erzieherinnen aus 13 Kindertagesstätten der ganzen Oberlausitz.